جائزتان لفريق MTG7 في بطولة العالم VEX 2026

الحمد لله.. ختامها مسك في بطولة العالم للروبوتات VEX Worlds 2026!

مش ساهل إنك تكون الفريق العربي الوحيد اللي حاضر ومشارك في فئة (الثانوية والجامعات)، المسؤولية كانت كبيرة لأننا ما كناش نمثلوا في أنفسنا بس، كنا نمثلوا في ليبيا وفي العرب كلهم في أكبر محفل عالمي للتقنية.

وبفضل الله ومجهود الفريق، قدرنا ننتزعوا جائزتين عالميتين ونثبتوا للعالم إن الشباب الليبي عنده البصمة والإمكانيات:
• جائزة Girl Powered Online Challenge
• جائزة التحكيم (Judges Award)

الموسم هذا كان من أنجح المواسم لينا دولياً، ورغم كل التحديات والصعوبات، روح الفريق والخدمة الصح هي اللي وصلت فريق MTG7 للمنصة.

شكرًا لكل حد دعمنا ووثق فينا.. وشكر خاص لأعضاء الفريق الأبطال اللي ما قصروش ولا لحظة. القادم أقوى بإذن الله، والقادم ديما "ليبي"!

هذه الرحلة كانت بدعم المهندس بالقاسم خليفة حفتر مدير عام صندوق التنمية واعادة اعمار ليبيا